Hai xa algunhas semanas que entramos no periodo de pre-campaña electoral, e os partidos políticos comenzaron a presentar ós seus candidatos ás alcaldías ourensás. As tres principais formacións (PP, PSdeG-PSOE e BNG) terán representación en tódolos concellos da provincia, unha situación que se dá por primeira vez nalgúns dos partidos.
Os principais líderes políticos de cada formación estiveron apoiando e respaldando as candidaturas e ós candidatos, e nalgúns dos concellos, ademais, organizáronse reunións cos cabezas de lista para ultimar os detalles dos programas cos que concurrirán ás eleccións municipais de maio.
Durante este periodo de pre-campaña electoral, as formacións están a achegar ós cidadáns as ideas básicas do partido e, en liñas xerais, os proxectos que para cada concello teñen os candidatos, en función, tamén, das xestións levadas a cabo durante os últimos catro anos de goberno.
Ata o próximo 11 de maio, que comenza oficialmente a campaña electoral, o PP, o PSdeG-PSOE, o BNG e as demais formacións políticas que concurren a estas eleccións municipais, continuarán nesta liña de presentacións.
Será a partir de esa data, cando entrarán por completo na campaña e comenzarán a desglosar, xa dunha forma máis oficial, cada un dos puntos dos que se compoñen os seus programas electorais.
Ó longo destas páxinas recollemos brevemente, ordeadas según a súa data de presentación, as candidaturas que se deron a coñecer no último mes en toda a provincia de Ourense ata o peche de esta edición.
Texto: Patricia González Lindoso
