A desaparición o ano pasado do Xacobeo Galicia (anteriormente Karpin), único equipo ciclista galego en competición, deixou un mal sabor de boca nos afeccionados. Por iso o Club Ciclista Valdeorras, decidía homenaxear a corredores, auxiliares e técnicos do equipo, na XIV Volta a Valdeorras prevista para o domingo 10 de xuño. De feito esa será unha das novidades da proba este ano, xunto á xestión de inscricións, control de tempos e diplomas por Champions Chip.
Do resto todo se mantén igual que na pasada edición, cun percorrido similar que “segundo a enquisa realizada na web parece que gusta, polo tanto non cambiamos” explican dende a organización.
Así ás 9h. do domingo os ciclistas tomarán a saída na rúa Calabagueiros do Barco atravesando a vila ata saír rumbo a Arcos, Vilamartín, A Rúa (Os Pinos) e Quiroga onde se completarán os 37,80km. aproximadamente de tramo neutralizado.
Texto: Mónica G. Bellver Foto: Carlos G. Hervella
(Máis información na edición en papel do periódico O Sil).
