O presidente da Deputación de Ourense, Luis Menor, recibiu no Pazo Provincial ao presidente da Federación Española de Deportes de Montaña e Escalada (FEDME), Joan Bernat Clarella Biarge, acompañado por unha delegación do club Asesou, a Asociación de Escaladores Ourensáns.
O encontro serviu para analizar o auxe do deporte da escalada na provincia, con gran número de afeccionados e profesionais. Menor deulle os parabéns a Asesou polo seu traballo no fomento dun deporte “que cada vez ten máis adeptos” e estudou posibles liñas de colaboración con Asesou.
Acompañaron ao presidente da Federación Española Alejandro López, presidente da Federación Galega de Escalada, Alfonso Bök Villalva, presidente de Asesou e Blanca García, tesoureira de Asesou.