O Centro de Deportes Barco e Ocio y Deporte Valdeorras presentan o I Campamento Lúdico-Deportivo “BARCO NADAL – Winter Camp ‘25” que “promete ser espectacular”.
Dirixido a nenos e nenas de 4 a 14 anos, desenvolverase do 22 de decembro ao 7 de xaneiro no pavillón municipal de Calabagueiros onde os asistentes poderán desfrutar con obradoiro navideños, xincanas deportivas, tiro con arco e acha, zona gaming, humor amarelo, castelos inchables e deportivos todo o campamento, labirinto escape quidditch e mundiais de xogos, karts, crazy karts eléctricos… “e moooita máis diversión todos os días”, aseguran.
O horario será de 10 a 14 horas (Madrugadores 9h) e o prezo, 75 euros (desconto para irmáns). Para reservar é necesario escribir aos números do cartel ou ás redes de Ocio y Deporte Valdeorras e Peluquería Nilo, tendo en conta que as 40 prazas iniciais xa están cubertas polo que tiveron que ampliar.
