Adiantando dúas semanas con respecto ao ano pasado e cambiando o horario da tarde para a mañá, celebrarase no Barco de Valdeorras a 6ª Concentreación de Babybasket. Será o vindeiro domingo 10 de maio, de 10 a 13 horas e reuniranse uns 140 nenos de club de baloncesto de toda a provincia de Ourense.
Organizada polo MV Barco, na xornada lúdico-deportiva participarán once clubs en catro grupos, algúns con dous equipos como o propio anfitrión que xogará no grupo B xunto a Blanco Amor, Celanova a Miraflores; e no grupo D xunto a Depordima, Allariz e BBALL COB Rosales.
Segundo as normas do torneo, cada equipo terá un mínimo de 6 xogadores e un máximo de 10; os partidos xogaranse en formato de 4 x 4 nun período de 20 minutos a reloxo corrido; e non haberá resultados.
A foto de familia farase arredor das 11:40 horas.