No mediodía deste mércores 22 de xuño falecía unha persoa nun accidente de tráfico en Parderrubias, no termo municipal da Merca. O suceso producíase pouco antes das 13 horas na OU-540, entre A Merca e Celanova, cando dous vehículos impactaban frontalmente e o ocupante dun deles saía despedido. A ocupante do outro coche, un todoterreo, tiña que ser excarcelada.
Dende o 112 Galicia solicitaban a intervención dos bombeiros da Mancomunidade de Celanova, da Garda Civil de Tráfico, de Protección Civil e de Urxencias Sanitarias de Galicia-061, que mobilizou un helicóptero medicalizado ata o lugar dos feitos.