Os vindeiros 15 e 16 de febreiro de 2025 celebrarase no Xeoparque Montañas do Courel e da comarca de Quiroga o XI Quiroga Trail Challenge, que vén de abrir as súas inscricións (nova @festadotrailgalego). Nesta edición aparecen novas distancias que pretenden buscar os mellores percorridos e adaptarse a todos os gustos. En distancia ultra poderase escoller entre 83 ou 53 kms, para os que queiran dar o salto a esta modalidade.
Permanece a maratón de 42, o trail de 29 e o minitrail de 17 kms. Ademais estrearase distancia de 10 kms, tanto o sábado coma o domingo: “as carreiriñas”, para aqueles que busquen iniciarse no mundo do trail ou, simplemente, gozar dun percorrido máis curto. Tamén se manterá a andaina do sábado e as modalidades de circuíto: correr os dous días da fin de semana ou un único día de calquera dos dous.