Tres citas festivas, tres escenarios e tres actuacións. A Coral Polifónica Candea de Viana do Bolo, está inmersa nun completo mes de setembro, musicalmente falando.
O domingo día 7 actuaban no Santuario de Nosa Señora das Ermidas, no Bolo na misa na honra da Virxe María; e ao día seguinte, luns día 8, facíao na igrexa parroquial de Larouco na misa na honra á Virxe dos Remedios.
E xa pechando o mes, o domingo día 28 viaxarán ata a localidade zamorana de Lubián para participar un ano máis na Romaría da Tuíza.
Fotos: Cedidas/ Mónica G. Bellver.