Na tarde deste martes 27 de xaneiro producíase un accidente de tráfico na Rúa no que se vían implicados dous vehículos.
O 112 Galicia recibía o aviso, pasados dez minutos das seis e media, dun choque na rúa Campo Grande, nas proximidades do Hotel Espada, que se saldaba cunha persoa ferida. Tal como indican dende os servizos de emerxencia, un dos coches incorporábase á estrada desde onde estaba aparcado mentres que o outro circulaba dirección saída da Rúa.
Ata o lugar desprazábanse os bombeiros do parque comarcal que, segundo os datos do 112, confirmaron a excarceración do ocupante dun dos coches, o GES Valdeorras e voluntarios de Protección Civil da Rúa así como os servizos sanitarios do 061 que trasladaban ao ferido ata o Hospital Público Valdeorras. O condutor do putro vehículo tamén recibía atención sanitaria no hospital.
Fotos cedidas.
