Dende hoxe están abertas as inscricións para asistir á XXXIX Xornada Diocesana de Adolescentes e Xoves que organiza a Pastoral de Juventud da Diócese de Astorga e que terá lugar os días 16 e 17 de maio en Villafranca del Bierzo baixo o lema “Poñédevos en camiño” (Lc 10, 3), título do novo Proxecto Marco da Pastoral con Xoves en España, e que servirá de base para os contidos da Xornada, que “contará cun programa moi completo e cheo de actividades lúdicas, culturais, formativas e orantes por toda a vila”, explica o delegado diocesano de Pastoral Xuvenil, Luis Fernández Olivares.
El mesmo explica que poden participar adolescentes e xoves a partir de 1º da ESO (inclusive) atas os 30 anos e que a xornada é gratuíta. “Só haberá que abonar o correspondente ao transporte e cada un deberá levar a súa propia comida e cea para o sábado. O almorzo e a comida do domingo poñerémolo desde a organización”. O que si deberán levar é saco de durmir e esterilla (imprescindible). “Para os que son de Villafranca ou arredores, existe a posibilidade, se queren, de ir durmir a casa e volver, pero a inscrición e participación na xornada debe ser completa.
