A Garda Real visitará Quiroga o vindeiro xoves, 7 de maio. A visita forma parte do programa que este corpo adicado á protección do Rei de España e á familia real, realizará pola provincia de Lugo entre o 5 e o 10 de maio, co obxectivo de achegar esta unidade á cidadanía e proxectar unha imaxe de excelencia, servizo e proximidade.
Ata Quiroga achegarase a Agrupación Mixta, una subunidade integrada por soldados dos grupos de apoio e de loxística. A visita inclúe varias actividades entre ás catro da tarde e as sete do serán.
Comezarase na praza de España onde haberá unha pista de obstáculos infantil, estación de transmisións de radio, estación de uniformidades oficiais da Garda Real, exposicións de armamento, material de seguridade, drons de seguridade e material contraincendios da Guardia Real; e un voo de drons.
Con estas actividades, ademais do adestramento das unidades, preténdese amosar á cidadanía como é o traballo e o funcionamento deste corpo militar. A visita da Garda Real rematará achegándose ata a Residencia de Maiores e co acto de izado da bandeira nacional.