Desde hoxe día 21 de maio e ata o vindeiro luns día 25, O Barco de Valdeorras celebra as Festas da Santa Rita 2026 cunha programación que inclúe baile e música, en forma de charangas, discoteca móbil e orquestras, atraccións para cativos e xuventude, ademais da 5ª edición do Torneo de Petanca e a 18ª edición do Gran Premio de tiro ó prato.
Hoxe, a Discomóbil A Pimentoneta amenizará o baile de tarde e noite; e mañá venres 22 de maio, día grande da festa, celebrarase a festividade da Santa Rita de Casia coa tradicional misa e procesión polas rúas da vila a partir das 12 horas.
Toda a programación, día a día, así como outros artigos culturais, deportivos, de opinión, entrevista ao presidente do CCA O Barco, etc, pode atoparse no Especial Santa Rita en papel do Periódico O Sil, á venda en quioscos e librarías.
