A un paso. A un só partido de lograr o ascenso a Preferente queda o CD Córgomo Vilamartín tras o empate conseguido na tarde deste domingo 14 de xuño no campo do Bañadoiro ante o Marín CF.
Os valdeorreses xa escribían un novo capítulo na súa recente historia tras a contundente remontada no partido de volta de semifinais do play off ante o CD Unión, selando o pase á final ante un Marín que se preparou a fondo para o ascenso.
Así, co obxectivo de frear as pretensións dos pontevedreses, saían ao terreo de xogo os rapaces de Iván González, arroupados coma sempre pola incondicional afección, atacando a portería rival e defendendo con uñas e dentes a súa ata o final do partido co 0-0 no marcador.
O partido de volta, o definitivo, disputarase o vindeiro domingo 21 de xuño no campo de San Pedro, en Marín.
Fotos e vídeo: Mónica G. Bellver.