Moi intensa está a ser a actividade de Candea nas festas patronais de Viana do Bolo. O grupo de teatro enchía a Casa da Cultura o vernes 13 de agosto nunha exitosa mostra; e hoxe, sábado 14 de agosto era a quenda para o apartado musical.
A Banda de Música Candea compañaba á procesión da Ascensión polas rúas da zona máis antiga da vila; o coro cantaba a misa na igrexa parroquial; e a banda poñía tamén o son á sesión vermú celebrada nunha concorrida praza Maior, interpretando temas tan coñecidos como Chiquitita de ABBA, entre outros moitos, fortemente aplaudidos polo público.
Fotos e vídeos: Mónica G. Bellver.