Ceratop®, a marca de superficies de pedra sinterizada de Cupa Stone, vén de recibir o Premio á Innovación porcelánica para encimeiras da revista Interiores pola súa aposta por facer máis accesible e sinxela a elección de superficies para encimeras.
Os galardóns, que este ano celebran a súa duodécima edición, recoñecen propostas salientables no ámbito do deseño e o interiorismo, poñendo en valor a creatividade e a capacidade de achegar novas solucións a un sector en constante evolución.
O recoñecemento distingue a proposta de Ceratop®, que “responde a unha necesidade concreta do mercado: ofrecer superficies de calidade, con deseños en tendencia e unha proposta de valor que combina deseño, prestacións e accesibilidade, sen complicar a decisión de compra”, segundo a compañia.
A marca está concibida para “dar resposta ás necesidades de calquera proxecto que se realiza, facilitando a súa integración en distintas propostas de cociña e interiorismo. Esta selección permite ao cliente atopar con maior facilidade a superficie que busca e, ao mesmo tempo, simplifica o traballo dos profesionais, axilizando os procesos de prescrición e venda”, segundo a empresa.
“É un orgullo recibir este recoñecemento da revista Interiores. En especial, grazas a todo o equipo de Cupa Stone, polo seu compromiso e capacidade para seguir impulsando este proxecto”, explica Guillermo Oviedo, director xeneral de Cupa Stone Iberia.