Na noite do sábado 24 de outubro unha perso tiña que ser excarcerada tras unha saída de vía en Melón. Tal como indican dende o 112 Galicia, o accidente tiña lugar un cuarto de hora antes das 22 horas, explicando que segundo o particular que contactou co servizo de emerxencias “un turismo saírase da A-52 no quilómetro 265, cunha persoa ferida no interior”.
Rapidamente, desde o 112 Galicia informaban ao Servizo de Urxencias Sanitarias de Galicia-061, aos Bombeiros do Carballiño, ao GES de Ribadavia e á Garda Civil de Tráfico.
“Os membros do GES tiveron que empregar o material de excarceración para que a persoa, única ocupante do vehículo que estaba envorcado logo do accidente, puidese saír. O ferido tivo que ser trasladado en ambulancia ata o hospital de referencia”, conclúen dende o 112.