Volvía xogar en horario de mañá na casa e volvía gañar. O CD Córgomo Vilamartín que quedaba ás portas da Preferente, segue imparable demostrando que o ascenso debería ter sido seu.
Na mañá deste domingo 25 de outubro, o conxunto verdibranco vencía con contundencia á Peroxa CF no campo municipal do Bañadoiro, sumando a terceira vitoria consecutiva que o mantén como líder do seu grupo.
Sylla marcaba o primeiro da mañá no minuto 12 e Víctor poñía o 2-0 no 35′. Antes de rematar a primeira parte A Peroxa anotaba chegando ao descanso co 2-1 no marcador. Tralo paso polo vestiario os visitantes empataban ata que Sylla volvía traspasar a portería recuperando a vantaxe co 3-2.
Dominando o xogo e o campo, os de Jorge Merayo non se conformaban co resultado e tras varios intentos Peke marcaba os dous seguintes goles, transformaba un penalti no minuto 69 e setenciaba no 77′ rematando o partido co 5-2 final.
Con 22 puntos e invicto, o seguinte partido para o equipo vilamartinés será no campo do CD Velle.
Fotos e vídeo: Mónica G. Bellver.