O colexio Divina Pastora puxo en marcha o II Concurso Familiar de Cabazas Samaín 2026, unha iniciativa organizada polo Equipo de Dinamización da Lingua Galega en colaboración coa ANPA.
“A actividade convidou a alumnado e familias a deixar voar a imaxinación e a creatividade coa elaboración de cabazas decoradas, apostando pola orixinalidade e polo uso de materiais reciclados e artesanais”, explican dende o centro escolar.
Trátase dunha proposta para “gozar do Samaín en familia, fomentar as tradicións galegas e compartir o talento artístico de toda a comunidade educativa”, din dende o Divina Pastora, adiantando que o xoves coñecerase aos gañadores.
Fotos e vídeos cedidos.