Cambio na data para a Festa da Matanza de Rubiá que neste 2026 celebrará a terceira edición o sábado 28 de novembro no pavillón municipal. O lugar xa o cambiaran o ano pasado (a I edición tiña lugar nunha carpa na praza do Concello), debido en certa medida ao aumento de asistentes, duplicando o número ata os 530 comensais.
O que tampouco cambia é o horario, a partir das 14 horas; nin o menú, formado por un cocido completo de matanza. O prezo da entrada sobe ata os 25 euros para adultos quedando en 10 para menores de 5 anos. Con cada entrada os asistentes participarán no sorteo de tres lotes de produtos de matanza.
Organizado polo Concello de Rubiá, a venda de entradas estará aberta ata o 18 de novembro en Librería Teresita, Súper Trastos e Farmacia Rubiá.
