Logo de ter que suspender a que sería a IV edición o ano pasado por mor dos incendios que asolaron a comarca, a Asociación Sabugueiro retoma o seu particular “Got Talent”, un concurso de talentos dirixido a todos os públicos que se celebra no marco das festas de San Roque, na Rúa Vella.
Para participar, todo aquel que teña algún talento e queira ten que enviar ao 660 246 262 e antes do 15 de agosto, un vídeo de 1 minuto de duración como máximo no que demostre toda a súa arte. Os seleccionados actuarán o venres 21 de agosto no Campo de San Roque, no marco das festas deste ano.
Con respecto aos premios haberá tres por categoría. Na infantil (-13 anos): 1º premio de 100 euros (vale negocio local), 2º premio de 50 euros (vale negocio local) e 3º premio de 25 euros (vale negocio local); e na adulto (+13 anos): 1º premio de 300 euros, 2º de 150 e 3º de 75 euros.
Dado o éxito das anteriores edicións, dende a organización animan á xente a participar e pasar un bo rato. “Non o dubides e anótate”, din.
