A Portela (Larouco-Petín) teno xa todo listo para as Festas A Rabiosa na honra a San Vitoiro que se celebrarán do 26 ao 28 de agosto.
Organizadas coma sempre pola Asociación A Rabiosa, comezarán o día 26 como cada ano pensando nos nenos con xogos na praza a partir das 17:30 horas; e xa a partir das 20:30 horas terá lugar a cea popular cun menú formado por caldo verde, empanada de atún, porco ao espeto, postre, viño e chupitos. O baile (tardeo e verbena) correrá a cargo do orquestra Fussion Revolution. O prezo das entradas é de 18 euros e poden conseguirse antes do día 19 na directiva da Asociación, A Rabiosa da Portela, Bar Freixido, Bar Casa de Papel (Larouco), Tenda Raquel (Petín) e Supermercado O Bolo.
Ao día seguinte haberá pasarrúas e sesión vermú coa charanga Achicoria; misa e procesión ás 12 horas; campionato de tute (17h.); e tardeo e verbena coa orquestra Gran Parada.
Para o día 28 de agosto está previsto un campionato de rá a partir das 17 horas e música de tardeo e verbena con A Discoteke.
