Na noite do sábado 14 de xuño chegaba un dos pratos fortes das festas de San Antón en Fontei (A Rúa). Pasadas as 22 horas comezaba na carpa instalada nun lateral do adro da igrexa, a XVI edición da Cea Popular que reunía a unhas 150 persoas. Servida un ano máis por Mantesil, o menú estaba composto por entremeses ibéricos, costela de tenreira asada con patacas e ensalada, postre, café e licores.
E mentres os comensais daban boa conta do menú, na praza Enriqueta Casanova o grupo de discotecas móbiles Dolce Vita preparábase para amenizar a verbena na que se realizaba o sorte dun premio en metálico de 500 euros.
A festa remata hoxe con sesión vermú (13:30 horas) e baile de tarde-noite a cargo da orquestra La Travesía.
Fotos e vídeo: Mónica G. Bellver.