A Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, vén de informar de que intensifica os traballos de restauración hidrolóxico forestal das zonas afectadas pola onda de incendios do pasado verán na zona galega da demarcación.
“Tras os traballos de análises e comprobación da magnitude, xa o 9 de setembro as brigadas do Programa de Conservación de Leitos comezaron a executar os traballos máis urxentes” explicou Quiroga; así mesmo, o 24 de setembro o MITECO autorizou un investimento de 3 mill/€ para actuacións de emerxencia, posibilitando así que, a día de hoxe, 14 brigadas traballen na zona galega da demarcación, co apoio puntual das 10 brigadas de Conservación de Leitos”, explicou José Antonio Quiroga, presidente da CHMS.
Desde o inicio priorizáronse actuacións urxentes de corrección e atenuación dos efectos dos incendios desde tres perspectivas: afección a captacións de abastecemento, zonas con risco de inundación e zonas de especial protección (Reservas Hidrolóxicas da CHMS, Rede Natura 2000, e Reservas da Biosfera, así como a tramos fluviais nos que habitan especies ameazadas ou protexidas).
Descrición dos traballos
Continúase traballando na construción de pequenos muros de retención, denominadas albarradas, con madeira e/o pedras en cárcavas e torrenteras; e faxinas de troncos e ramas, suxeitas con rollizos de madeira queimada, coa que se pretende frear o transporte de sedimentos; retirada de tapóns e obstrucións en pontes e obras de paso; retirada de madeira queimada en leitos; e plantacións e reforestación de bosque de ribeira para frear o transporte de sedimentos.
Na actualidade, 14 brigadas traballan en Valdeorras (A Rúa, Vilamartín, O Barco, Rubiá, Petín), Quiroga, Carballeda de Avia e Macizo Central (Manzaneda, Montederramo, Maceda e Vilariño de Conso), zonas nas que en conxunto e polo momento, xa se construíron máis de 20.810 e 3.130 metros lineais de faxinas e de albarradas, respectivamente; atendéronse 34 captacións de abastecemento e interveuse en máis de 16 km de leitos”, explicou Quiroga.
“Estes traballos, iniciados o pasado 9 de setembro, supoñen un notable esforzo para o persoal adscrito ás brigadas de traballo, debido ao abrupto do terreo e á falta de accesos”
“Traballamos intensamente nas zonas nas que se reduciu drasticamente a cuberta vexetal por efecto do lume, o que favorece o fluxo de líquidos e sólidos cara aos leitos, co consecuente efecto erosivo laminar e a degradación dos ecosistemas fluviais, circunstancia que tratamos de paliar ou minimizar”, concluíu o presidente da CHMS.
