José Antonio Quiroga, presidente da Confederación Hidrográfica do Miño-Sil (CHMS), e Isabel Gil, alcaldesa de Ramirás, veñen de asinar o convenio de colaboración que ten por obxecto determinar as condicións que rexerán o financiamento, redacción do proxecto, posta ao dispor dos terreos, execución e posterior entrega das obras de mellora do saneamento dos núcleos da Partida e Margarideiros, no termo municipal de Ramirás (Ourense).
Na actualidade, os núcleos rurais da Partida e Margarideiros non dispoñen dun adecuado sistema de depuración das súas augas residuais e, para solucionar a problemática existente, proxectáronse actuacións consistentes na construción de novas redes de colectores, que enlacen as redes de augas residuais destes núcleos coa rede do núcleo do Castro, de tal maneira que as súas verteduras trátense na depuradora de augas residuais existente neste último.
“As actuacións descritas, que supoñen un investimento de 440.000 euros, mellorarán a calidade das augas e dos ecosistemas fluviais afectados polas deficiencias do saneamento actual”, sinala o presidente da confederación.
