O encontro tivo lugar no Congreso Internacional de Viveiristas, celebrado en Sevilla co lema “España, Europa y América, unidas por la innovación, la tecnología y la excelencia”
A delegación do Viveiro de Empresas da Cámara de Comercio de Ourense, que os días 17 e 18 participaba en Sevilla no I Congreso Internacional de Viveiros de Empresas, tivo a oportunidade de entrevistarse co príncipe Felipe, encargado de inaugurar este encontro.
Tres eran as empresas que compoñían a representación ourensá nesta cita: Ziblec Software, Madera Plus e Isogalia. Ademais tamén acudían dúas xestoras do Viveiro de Empresas. A delegación ourensá conversou durante varios minutos con Don Felipe, a quen lle explicaron tanto a actividade e a función que desenvolve o Viveiro como o traballo que realizan as citadas empresas.
Foto: cedida pola Cámara de Comercio