Seguen as accións de saúde comunitaria da Área Sanitaria de Ourense, Verín e O Barco, e dentro do proxecto “Escola de Coidadores”. Desta volta a formación, dirixida a coiadores e familiares de persoas dependentes, tiña lugar no Centro de Día da Rúa onde a finais de novembro se desenvolvían dúas actividades.
Así, na mañá do 26 de novembro (entre as 11h. e as 13h.) impartíase un obradoiro no que se abordaban temas como “alimentación saudable”, “somos un equipo”, coidados da pel e UPP, consellos para a mobilización e dispositivos de axuda.
Dous días despois, o 28 de novembro, levábase a cabo, no mesmo Centro de Día da Rúa, outra acción formativa, desta volta centrada na hixiene buco-dental e nos primeiros auxilios.
Esta acción formativa era impartida por Susana Fernández León (enfermeira do Equipo de Soporte de Atención Domiciliaria, ESAD) e pola hixienista dental, Yolanda Fernández.
Estas actividades estaban dirixidas aos coidadores de familiares dependentes, a personal de axuda a domicilio, así familiares e personal de traballo do Centro de Día da Rúa, así como a usuarios válidos do mesmo.
Fotos cedidas.