O Servizo Galego de Saúde (Sergas), por medio do Equipo Soporte de Atención Domiciliaria (ESAD) e o Centro de Saúde de O Bolo, organizarán o vindeiro 16 de abril unha charla a coidadores, que poden ser tanto traballadoras como familiares de persoas dependentes deste municipio.
A sesión terá un amplo temario de coidados que van dende a alimentación ata os primeiros auxilios e será impartido por dúas enfermeiras do ESAD, Susana Fernández León e Silvia Fernández Peña. e por unha hixienista dental, Yolanda Fernández González. No decurso desta charla os coidadores poderán ter resposta a todas as dúbidas que poden saír nos coidados de estes doentes.
Para asistir non é preciso apuntarse e pódese acudir directamente sen pasos previos. Esta charla será na sala coworking no antigo cuartel de O Bolo entre as 16:30 e as 18:30 do 16 de abril do 2026.
