No marco da celebración da Festa da Troita na Pontenova (Lugo) inaugurábase na tarde do 30 de abril a escultura dunha troita máis grande do mundo. A peza ten sido elaborada por tres profesores do IES Enrique Muruais, entre eles o barquense Tasín Laurel, así como polo alumnado de FP deste centro. Está feita de aceiro e pesa uns 1.000 quilos. A súa superficie foi pintada polo coñecido muralista Diego As, buscando un acabado o máis realista posible, coas pintas e as cores propias da troita da zona.
A escultura descubríase, en medio dunha gran expectación, ás sete da tarde. Con ela lógrase un novo récord mundial que bate ao da troita de Michigan, xa que a peza lucense ten máis de 8 metros de longo. Entre os asistentes á inauguración estaba Tasín Laurel, acompañado por outros valdeorreses.
Fotos e vídeo cedidos.
