As cifras de exportación do sector da lousa volven a números positivos. Alomenos así se reflicte nos últimos datos feitos públicos polo Clúster da Pizarra de Galicia, que indican que entre xaneiro e agosto deste ano o sector vendía no exterior lousa por valor de 219.371.625 euros, o que supón un 2,2% máis que neses mesmo perídodo do ano anterior. Isto racha a tendencia negativa que se viña rexistrando no último ano.
Francia, principal destino da lousa valdeorresa, amosa cifras positivas. Así nos oito primeiros meses deste 2026 adquiría 119.968,6 toneladas desta pedra natural (un 6,3% máis que nese mesmo período do ano anterior) por importe de 108.599.356,4 euros (un 11,8% máis).
Por contra, Gran Bretaña e Alemaña seguen en datos negativos. Así o mercado inglés importaba 55.483,3 toneladas (un 11,3% menos) por valor de 52.757.480 euros (un 10,2% máis), mentres que a terras alemás dirixíanse 23.241,9 toneladas (un 17,5% menos) cunha facturación de 21.556.230,6 euros (un 16,9% menos).
Por outra banda destaca o crecemento de países como Bélxica con 11.735,5 toneladas por 15.213.740 euros (un 22,7% máis), Estados Unidos con 9.232,8 toneladas por 8.178.753,2 euros (un 25,4% máis) ou Irlanda con 5.835.633,8 euros (un 8,9% máis).