A Garda Civil de Pobra de Trives vén de tomar declaración, en calidade de investigado, a un veciño de San Xoán de Río de 69 anos de idade, como presunto autor dun delito de incendio forestal, por imprudencia grave, ocorrido o pasado 16 de xullo na localidade de Seoane de Argas (San Xoan de Río) nas que resultaron calcinadas 0,31 hectáreas de monte raso.
Nese operativo participaban nos labores de extinción: Garda Civil, un axente forestal, dúas avionetas de carga en terra, un helicóptero, dúas motobombas, dúas brigadas e veciños da localidade. O caso está no Xulgado de Instrución de Pobra de Trives.