A atleta valdeorresa Ana Raquel Revuelta (Ourense Atletismo) vén de lograr subirse ao máis alto do podio nesta tarde de 21 de xuño no Campionato de España máster de atletismo, disputado na Nucía, Alacante.
Ana realizou un concurso moi regular, con todos os seus lanzamentos válidos, conseguindo o ouro en F35 grazas a un mellor intento de 32 metros e 10 cms.
Despois de moitos anos practicando atletismo, e de ser varias veces medallista en campionatos nacionais, a discóbola barquense, consegue por fin, o ansiado título de campioa de España.
Fotos cedidas.
