Arte e memoria histórica nun mesmo xesto escénico sobre o escenario do Teatro Lauro Olmo do Barco. Nesta noite de 5 de decembro recalaba na vila valdeorresa a proposta “Flores de España”, dentro do programa “50 anos de España en libertad” do Ministerio de Política Territorial e Memoria Democrática, posto en marcha pola Subdelegación do Goberno en Ourense coa participación do Ministerio de Educación, Cultura e Deportes e o INAEM (Instituto Nacional das Artes Escénicas e da Música).
Creada pola compañía “Los Sueños de Fausto” e estreada en 2015 no Teatro do Barrio, “Flores de España” foise consolidando como un referente do teatro documental e da recuperación das historias silenciadas da España recente. Con dramaturxia de Raúl Quirós, dirección de Miguel Ángel Quirós e interpretada por Rubén Beizo, Ana Xixón, Emi Caínzos e Jesús Rodríguez, a obra percorreu numerosos escenarios de todo o territorio español, sempre cunha gran acollida por parte do público.
Entre os asistentes á representación desta noite no Barco estaba o subdelegado do Goberno en Ourense, Eladio Santos.
Fotos: Carlos G. Hervella.
