A 26ª edición da Feira do Viño de Valdeorras terá como pregoeira á padexeira olímpica Teresa Portela, unha das deportistas “españolas máis laureadas de todos os tempos”, segundo a organización do evento.
A piragüista María Teresa Portela Rivas (Cangas do Morrazo, 5 de maio de 1982) participou en 7 Xogos Olímpicos de manera ininterrumpida, dende Sydney 2000 ata os últimos Xogos, celebrados o pasado mes de agosto en París 2024. Converteuse na muller española con máis participacións olímpicas.
Foi medalla de prata nas Olimpíadas de Tokio 2020, 6 diplomas olímpicos, 17 medallas nos Campionatos do Mundo de Piragüismo, sendo 2 delas de ouro, e outras 17 no Campionato de Europa, das que 7 foron de ouro.
Pola súa traxectoria, foi distinguida dúas veces coa Real Orden do Mérito Deportivo (medalla de bronce en 2004 e medalla de prata en 2013), ademais de recibir a Medalla Castelao da Xunta de Galicia en 2019. Ademais é Grao de Fisioterapia e a Diplomatura de Mestra. A nivel persoal, Teresa Portela comentou recentemente que “a maternidade foi a miña gran medalla, e a conciliación, o meu
gran reto diario”.