A Policía Nacional vén de deter a dúas persoas na cidade de Ourense no curso dunha actuación policial nun domicilio. “Unha vez na vivenda, ambos moradores acúsanse mutuamente de traficar con estupefacientes, mostrando un deles, certa cantidade de haxix e de diñeiro, todo iso en presenza dos dous fillos menores de idade dos detidos. É por iso polo que se procede ao precinto do domicilio e a solicitar ao Xulgado de Garda o mandamento para a entrada e rexistro no domicilio, así como a entrega ao avó paterno do coidado dos dous menores”, segundo explica a Policía Nacional.
Tras a autorización por parte do Xulgado, axentes do Grupo de Estupefacientes, procedían á realización de entrada e rexistro en domicilio, incautándose cinco quilos e medio de haxix, debidamente ordenados para a súa posterior venda, así como diñeiro en metálico e utensilios para o seu posterior tráfico.
“Unha vez finalizadas as dilixencias policiais e de poñer ao dispor xudicial, o titular do Xulgado de Instrución Uno de Ourense, en funcións de Garda, decretaba o ingreso en prisión dun dos detidos, quedando o outro en liberdade”, citando á Policía Nacional.
