Entre as diferentes e belas praias de auga doce existentes na provincia de Ourense está a praia do Marcolongo, tamén coñecida como área recreativa de Vilariño de Conso, á beira do río Cenza. Entre abundante sombra de árbores autóctonas, esténdese esta praia que supón unha refrescante alternativa fronte ás altas temperaturas do verán.
Ademais de desfrutar do baño, o lugar ofrece diversos servizos tanto para nenos, con zonas de xogos, como para adultos, como é o caso de pistas deportivas, xunto con zonas de barbacoa e merendeiros.
Fotos: Carlos G. Hervella.
