A Rúa Vella vive hoxe un dos días centrais das festas de San Roque. Trala concorrida e animada Volta Ecolóxica e o peche do sábado ao ritmo de Mazu&The Rockkens, na mañá deste domingo 18 de agosto era Abertal quen marcaba o inicio da xornada dominical cun pasarrúas pola vila.
E xa pasadas as 12.30h. tiña lugar a misa na honra a San Roque na igrexa de Santo Estevo seguida da solemne procesión acompañada por Abertal. Cos sacerdotes José Fernández de Abajo (actual párroco) e Severino Pérez á cabeza e as roscas de San Roque que máis tarde eran repartidas entre os asistentes, a comitiva percorría parte da rúa principal da vila ata chegar á capel, no Campo de San Roque, onde o santo descansará ata o vindeiro ano.
Pola tarde, baile no campo da festa correrá por conta do grupo Alcázar en sesión de tarde e verbena, pechando a madrugada os ritmos disco de Danzalia.
E mañá, luns 19 de agosto, haberá misa campestre (11:30h.); festa da auga (17h.); partidos de solteiros/as contra casados/as e fin de festa cunha tapa de paella.
Fotos e vídeo: O SIL.