Neste 2026 a petanca sumábase por primeira vez á Feira de 1812 en Petín que se celebra este fin de semana, cun torneo que se disputaba na xornada deste sábado 6 de xuño nas pistas do “poblado”, en horario de mañá e tarde con xantar incluído.
Organizado polo recentemente creado Club de Petanca Petín, participaban dezaseis tripletas dos clubs de Petín, Valdeorras e San Pedro de Trones. Pola mañá disputábanse as partidas e pola tarde as finais. O 1º premio era para a tripleta do CP A Rúa formada por Raúl, Manolo, Herminio; o 2º para a tripleta do CP Petín formado por Gelo, Juan, Miguel Ángel e Carlos; e o 3º para a tripleta do CP Valdeorras formada por Suso, Pepe, Manolo.
O premio de consolación era a tripleta de Petín formada por Enrique, José e Manolo; e o gañador da cesta era Canor de club do Barco.
Fotos: Mónica G. Bellver e cedidas.