Nove folións e máis de 300 persoas confirmaron a asistencia á XXIII Xuntanza de Folións que celebrará o vindeiro sábado 24 de xaneiro no Tameirón (A Gudiña) a partir das 20 horas.
Ademais dos anfitrións, o Folión do Tameirón, participarán o de Carracedo, o de Fornelos, Os Viticultores de Vilamartín, o de Petín, o da Veiga, O Can de San Roque de Vilardevós, As Tablillas de Porto-Valdín e Os Arrieiros.
A previsión meteorolóxica dá mal tempo para a fin de semana polo que agardan que a neve os deixe. “Ao remate, coma sempre, haberá pinchos para os folións participantes”, adiantan.
