Sete grupos animaban a tarde-noite do sábado 7 de marzo en Quiroga na IX edición dos Cantos de Taberna. Os Ministreles, Son do Mao, Os Tarabelos, Xolda, Abertal, O Recanto e Os Trabazos percorrían os once establecementos enchendo de música e cantos tradicionais e reunindo a numerosos veciños e visitantes.
Nesta edición participaron a totalidade de bares e cafeterías da vila quiroguesa: A Terriña Salvaxe, o Mesón Ferreiriño, a Matrioshka, Chapakuña, Ruxe Ruxe, Quiper, A Taberna, A Botica, O Portón, As Palmeras, O Estanco, A Pedra e a Adega de María.
As actuacións comezaban a media tarde e remataban sobre a media noite na praza da rúa Lago. En cada establecemento a actuación de cada grupo roldaba a media hora, interpretando temas populares e tradicionais coñecidos por todos e que sen dúbida fixeron gozar aos asistentes.
Fotos: RTMQ.