Residentes e persoal de centro de ASFAVAL do Barco asistían neste 2 de maio a partir das 15h. a un obradoiro de hixiene de mans impartido pola enfermeira Susana Fernández dos ESAD (equipos de soporte a domicilio).
Esta acción formativa forma parte do programa organizado na Área Sanitaria de Ourense, Verín e O Barco con motivo da celebración do Día Mundial da Hixiene de Mans, que se conmemora o 5 de maio. Neste mesmo marco, para mañá 3 de maio están previstas actividades no Hospital Público de Valdeorras baixo o lema “A Hixiene de Mans prevén infeccións”.