A Consellería do Medio Rural informa de que permanece activo un incendio forestal no concello ourensán da Gudiña, parroquia de Parada da Serra.
O lume, que todo indica que se trata dunha reprodución do rexistrado o pasado domingo na mesma zona, iniciouse ás 16.32 horas de hoxe e segundo as últimas estimacións afecta unha superficie de máis de 20 hectáreas. Para a súa extinción mobilizáronse 8 axentes, 9 brigadas, 5 motobombas, 2 pas, 5 helicópteros e 6 avións.