Na tardiña do sábado 7 de xuño, mentres estaba regando, unha veciña caía ao arroio de Veigadecabo (O Barco) dende a súa finca. Eran as 21:45h. A partir de entón poñíase en marcha un operativo de rescate no que participaban diferentes efectivos de emerxencias: 2 policías locais, o GES Valdeorras, os bombeiros do parque comarcal e unha ambulancia do 061 con persoal sanitario.
A veciña era trasladada ao Hospital Público de Valdeorras. Dende alí quere expresar o seu agradecemento a todas as persoas que participaron no operativo. “Quero agradecer a todos os servizos que foron rescatarme, a Policía Local, ao corpo de bombeiros, ao GES e ao persoal da ambulancia e profesionais sanitarios, que todos eles en conxunto portáronse de marabilla: un dez para todos eles”, destaca esta veciña.