A Dirección xeral de Saúde Pública da Consellería de Sanidade, informa dun episodio de vaga de calor a partir deste xoves 3 de setembro nas seguintes zonas isoclimáticas que atoparanse nos seguintes niveis de alerta:
NIVEL 3 (VERMELLO): PONTEVEDRA (INTERIOR).
NIVEL 2 (LARANXA): A CORUÑA (INTERIOR); LUGO (CENTRO); OURENSE (MONTAÑA).
Segundo Meteogalicia, “Galicia quedará entre hoxe mércores e o próximo sábado baixo a influencia dun anticiclón que se localizará no norte da Península Ibérica. Desde esa posición aportará estabilidade, deixando ceos despexados e aproximará aire cálido de orixe norteafricano o que ocasionará un importante incremento nas temperaturas diúrnas”.
Así, segundo MeteoGalicia “os valores máis elevados espéranse durante as tardes do xoves e o venres. O sábado aínda será un día caloroso,pero probablemente con nubes e algunhas tormentas no interior que farán descender lixeiramente as temperaturas e estes valores tenderían xa a normalizarse o domingo”.