A 18ª Carreira do Turrón do Barco, prevista para a tarde do 22 de decembro, conta xa con arredor de 1100 rexistrados, tal e como vén de informar o Concello do Barco. Trátase dunha proba de carácter lúdico-deportivo, pero non competitiva e cun carácter benéfico. De feito, a principal novidade desta edición, tal e como destacaba o alcalde do Barco e concelleiro de Deportes, Aurentino Alonso, será que para poder inscribirse será preciso aportar algún alimento non perecedoiro.
A carreira mantén unha liña similar á edicións anteriores con dúas carreiras con outros tantos circuítos diferentes: unha para os nenos que sairá dende a Fonte da Ra (no Malecón) ás 19:30h. e outra para os maiores con saída ás 20h. dende a praza Andrés de Prada.