Con moita habilidade, espírito de equipo e, sobre todo, humor desenvolvíanse a primeira edición das Olimpíadas Medievais en Tremiñá-Veigamuíños (O Barco) no mediodía deste 13 de xullo. Esta era unha das principais novidades do XVII Mercado Medieval desta localidade, promovido polo colectivo Tremiñá no Mapa.
A competición, sumamente orixinal e cuxos premios se entregaban ás 14:30h., desenvolvíase por equipos e en diferentes puntos de Tremiñá, engadíndose así a actividade habitual do mercado.
Ademais, durante a mañá non faltaba tampouco a animación musical, cun pasarrúas a cargo dos Parrandas, así como un obradoiro sobre pintura ao temple.
As actividade desta feira medieval continuarán pola tarde.
Fotos e vídeos cedidos.
