“No contexto da situación actual de emerxencia na provincia polos incendios forestais, en coordinación cos concellos”, a organización das XL Xornadas de Folclore vén de anunciar que “decidiuse a cancelación do espectáculo previsto para hoxe neste en Viana, así como o previsto mañá en A Rúa e o do luns en A Pobra de Trives, no marco das Xornadas de Folclore”.
Ademais, a organización adianta que na actuación prevista para mañá ás 22.30 horas na praza Maior do Carballiño, actuarán os 6 grupos participantes nas Xornadas de Folclore e debido a que se amplía o número de participantes, o espectáculo será na praza da Veracruz.
O resto de actuacións dos grupos de folclore na provincia mantense a esta hora polo de agora, pendentes da evolución dos lumes en Ourense para tomar as decisións máis axeitadas.