O Concello da Pobra de Trives cancela o Día da Bici, previsto para este domingo, e o concerto das Xornadas de Folclore, previsto para o luns 18, ante a vaga de lumes que se vive desde hai días na comarca e no resto da provincia. A alcaldesa, Patricia Domínguez, dá conta da situación de “emerxencia” e pide comprensión nestes momentos. “Parécenos o máis adecuado dada a situación que temos actualmente”, explica.
O Concello lamenta os prexuízos que as cancelacións poidan supoñer á poboación, pero recorda a grave emerxencia que se está a vivir desde hai días na contorna a causa dos incendios.
Ademais, queda cancelado o concerto do pianista trivés Fabio Álvarez, previsto para o 16 de agosto.