A representación do Club Adas Cupa do Barco sumaba ata catro metais no Campionato galego Sub18 que se desenvolvía na pasada fin de semana no estadio de Balaídos en Vigo. Sergio Fernández conquista dúas medallas, unha prata no peso (5 kg) e outra no disco (1,5 kg); mentres que Pablo García convertíase tamén en subcampión galego nos 110 valos e Xoana Méndez quedaba terceira nos 5.000 marcha.