A Unidade Operativa de Drons do Grupo de Apoio Loxístico (GALI) da Axencia Galega de Emerxencias (Axega) segue a colaborar na busca do home que faltaba desde a tarde do domingo 9 de novembro en Maceda, nun operativo, coordinado pola Garda Civil, que traballa na zona do lugar de Pías, en Castro de Escuadro, tal como indican dende o 112 Galicia.
Segundo explicou ao centro de emerxencias un familiar pasadas as 19:30 horas de onte, “o implicado faltaba desde primeira hora da tarde, cando saíra polo monte buscar cogomelos”.
Na busca colaboran coa Garda Civil o GES de Maceda, Laza e do Pereiro de Aguiar, así coma os voluntarios de Protección Civil de Maceda, Vilar de Barrio e Baños de Molgas.