A arte como un constante desenvolvemento igual que a identidade do propio artista de cada un. É a idea en común coa que Enrique Prada, Roberto Álvarez e Noé Blanco decidían facer unha exposición que combina foto, colaxe, pintura e debuxo, ademais de traballar en paralelo con obras de arte que unen vida, pensamento e creación.
Na tarde deste venres 5 de decembro inaugurábase no Teatro Lauro Olmo do Barco de Valdeorras a exposición ‘Descubrir/Revelar/Exteriorizar’ algo que os tres artistas valdeorreses teñen en común e que poderá verse ata o 19 de decembro.
O trazo máis parecido entre eles para levar a cabo esta exposición conxunta é a práctica da introspección, entendendo esta como “un medio de conceptualizar ou de englobar unha serie de traballos que recorren a ese penetrarse no seu eu interior para chegar a cousas tan interesantes como o autoconocimiento e a innovación”.
Como artistas adentráronse no persoal dos seus recordos, da súa cotiandade e da súa identidade para, a través da arte, poder profundar con esa intención de transcender do trillado á creación de algo grande en obras que materializan os seus pasos pola experimentación dunha gran actividade interior, con imaxes de enxeñosas solucións e procesos inventados por artistas inquietos que non se conforman con repetir fórmulas que os distancien da súa xenial vontade de crear.
Enrique Prada aborda un personalísimo estilo pictórico e consegue deixar a súa pegada en todo o seu repertorio. O seu carácter sentimental que engloba cada detalle da súa obra dinos moito sobre as súas capacidades de xerar mundos de ilusión e vitalidade.
Roberto Álvarez profunda nos seus coñecementos de psicanálises para abordar a temática da inocente infancia conseguindo o autoconocimiento coa intención de salvar a súa alma, ou ás veces, só para ser mellor persoa, algo moi importante pará el, máis mesmo que converterse nun artista de ambicións comerciais.
Finalmente Noé Blanco transforma eses espazos cotiáns que se nos volven parte de nós mesmos, establecendo un seguimento do que as súas emocións dinlle respecto diso para a devandita transformación, unindo sentimento e imaxinación.
Fotos e vídeos: Mónica G. Bellver.